0(374)223 88 14
Ўзбек Русский English
  A   A   A   A   A   Тасвирсиз  

Янгиликлар | Сана: 31.08.2018


Andijon davlat universiteti qayta tiklanuvchi energiya manbalari va barqaror atrof muhit mutahassisligi bo'yicha tajribali professor Frank Behrendt Doktorantlar, Magistrantlar va yosh ilmiy xodimlar uchun onlayn ma'ruzalarini o'tmoqda

Янгиликлар | Сана: 31.08.2018


АНДИЖОН ДАВЛАТ УНИВЕРСИТЕТИДА ИННОВАЦИОН ТАЪЛИМ ЙЎНАЛИШИ

Юртбошимиз ташаббуси билан 2018 йилнинг “Инновацион технологиялар ва тадбиркорликни қўллаб қувватлаш йили” деб аталиши тимсолида ватанимизнинг барча соҳаларида мисли кўрилмаган янгиликлар кузатилмоқда. Бундай ташаббуснинг халқимиз томонидан юксак фахр ва масъулият билан қабул қилингалигини эришилиётган ютуқларимиз яққол ифодалаб турибди.

Таълим сифатини халқаро миқёсдаги юқори даражага кўтарилиши зарурлиги тўғрисидаги юртбошимизнинг кўрсатмалари ватанимиздаги барча таълим тизимларида инновацион ечимларни жорий этишни тақозо этади. Ҳукуматимизнинг қарори билан 2018-2019 ўқув йилида Республикада биринчи марта 4 та университетда, шу жумладан, Андижон давлат университетида янги «Қайта тикланувчи энергия манбалари ва барқарор атроф муҳит физикаси» бўйича магистратура мутахассислиги жорий этилди.

Янги очилган мутахассисликни Ўзбекистон Республикаси Олий ва ўрта маҳсус таълим вазирлиги ҳамда Европа Иттифоқининг самарали ҳамкорлиги натижасида “Эраcмус+” дастури доирасида Андижон давлат университетида бажарилаётган RENES халқаро лойиҳасининг инновацион маҳсулоти сифатида кўриш мумкин.

Инновацион мутахассислик дастурини яратишда ҳамкор европа ватанимиздаги олий таълим муассасаларининг профессор ўқитувчилари иштирок этдилар. Европалик ҳамкорларнинг магистрлар дастурларларини яратиш борасидаги тажрибаларига ва ватанимизда мавжуд илмий салоҳиятга таянган холда қуйидаги фанлар бўйича замонавий дастурлар ишлаб чиқилди:

Мутахассислик фанлари: “Энергия ўзгартириш ва унинг самрадорлиги”, “Энергетиканинг ижтимоий-иқтисодий асослари”, “Инновацион технологиялар”, “Қайта тикланувчи энергетика”, “Тадқиқот методологияси”.

Танлов фианлари: “Фундаментал фотовольтаика”, “Амалий қуёш энергетикаси”, “Фотовольтаик материаллар физикаси”, “Учинчи авло қуёш элементлари”, “Фотовольтаик тизимлар электротехникаси”, “Фотовольтаик материаллар оптикаси и спектроскопияси”, “Фотовольтаик тизимларни ва қуёш элементларини компьютерда моделлаштириш.

Айрим танлов фанларини европалик етакчи мутахассисларни жалб қилган тарзда инглиз тилида ўқитилиши режалаштирилган. Юқорида таъкидланганидек, хозирда мазкур мутахассислик талабаларига хизмат қилувчи университетнинг “Физика” кафедраси негизида “Қайта тикланувчи энергия манбалари” ўқув-илмий лабораториясини жихозлаш ишлари якунланмоқда. Испаниянинг “Edibon” компаниясидан автоматлаштирилган фотоэлектрик тадқиқот стенди келтирилиб, ишга туширилган. Германиянинг “LeXsolar” компаниясида ишлаб чиқилган фото ва термоэлектрик лаборатория қурилмаларини қабул қилиш ва ишга тушириш ишлари бажарилмоқда. Лабораториядаги компьютер синфи Оксфорддаги микроэлектроника ва наноэлектроникани ривожлантириш марказининг “Synopsys” тизими дастурида “on-line” тартибда ишлаш имконияти яратилади.

Янгиликлар | Сана: 31.08.2018


АНДИЖОН ДАВЛАТ УНИВЕРСИТЕТИДА ИННОВАЦИОН ТАЪЛИМ ЙЎНАЛИШИ

Юртбошимиз ташаббуси билан 2018 йилнинг “Инновацион технологиялар ва тадбиркорликни қўллаб қувватлаш йили” деб аталиши тимсолида ватанимизнинг барча соҳаларида мисли кўрилмаган янгиликлар кузатилмоқда. Бундай ташаббуснинг халқимиз томонидан юксак фахр ва масъулият билан қабул қилингалигини эришилиётган ютуқларимиз яққол ифодалаб турибди.

Таълим сифатини халқаро миқёсдаги юқори даражага кўтарилиши зарурлиги тўғрисидаги юртбошимизнинг кўрсатмалари ватанимиздаги барча таълим тизимларида инновацион ечимларни жорий этишни тақозо этади. Ҳукуматимизнинг қарори билан 2018-2019 ўқув йилида Республикада биринчи марта 4 та университетда, шу жумладан, Андижон давлат университетида янги «Қайта тикланувчи энергия манбалари ва барқарор атроф муҳит физикаси» бўйича магистратура мутахассислиги жорий этилди.

Янги очилган мутахассисликни Ўзбекистон Республикаси Олий ва ўрта маҳсус таълим вазирлиги ҳамда Европа Иттифоқининг самарали ҳамкорлиги натижасида “Эраcмус+” дастури доирасида Андижон давлат университетида бажарилаётган RENES халқаро лойиҳасининг инновацион маҳсулоти сифатида кўриш мумкин.

Инновацион мутахассислик дастурини яратишда ҳамкор европа ватанимиздаги олий таълим муассасаларининг профессор ўқитувчилари иштирок этдилар. Европалик ҳамкорларнинг магистрлар дастурларларини яратиш борасидаги тажрибаларига ва ватанимизда мавжуд илмий салоҳиятга таянган холда қуйидаги фанлар бўйича замонавий дастурлар ишлаб чиқилди:

Мутахассислик фанлари: “Энергия ўзгартириш ва унинг самрадорлиги”, “Энергетиканинг ижтимоий-иқтисодий асослари”, “Инновацион технологиялар”, “Қайта тикланувчи энергетика”, “Тадқиқот методологияси”.

Танлов фианлари: “Фундаментал фотовольтаика”, “Амалий қуёш энергетикаси”, “Фотовольтаик материаллар физикаси”, “Учинчи авло қуёш элементлари”, “Фотовольтаик тизимлар электротехникаси”, “Фотовольтаик материаллар оптикаси и спектроскопияси”, “Фотовольтаик тизимларни ва қуёш элементларини компьютерда моделлаштириш.

Айрим танлов фанларини европалик етакчи мутахассисларни жалб қилган тарзда инглиз тилида ўқитилиши режалаштирилган. Юқорида таъкидланганидек, хозирда мазкур мутахассислик талабаларига хизмат қилувчи университетнинг “Физика” кафедраси негизида “Қайта тикланувчи энергия манбалари” ўқув-илмий лабораториясини жихозлаш ишлари якунланмоқда. Испаниянинг “Edibon” компаниясидан автоматлаштирилган фотоэлектрик тадқиқот стенди келтирилиб, ишга туширилган. Германиянинг “LeXsolar” компаниясида ишлаб чиқилган фото ва термоэлектрик лаборатория қурилмаларини қабул қилиш ва ишга тушириш ишлари бажарилмоқда. Лабораториядаги компьютер синфи Оксфорддаги микроэлектроника ва наноэлектроникани ривожлантириш марказининг “Synopsys” тизими дастурида “on-line” тартибда ишлаш имконияти яратилади.

Янгиликлар | Сана: 16.06.2017


RENES – ДАВР БИЛАН ҲАМНАФАС ЛОЙИҲА

2017 йилнинг 29 май санасида “2017-2021 йилларда қайта тикланувчи энергетикани ривожлантириш, иқтисодиёт тармоқлари ва ижтимоий соҳада энергия самарадорлигини ошириш чора-тадбирлари дастури тўғрисида”ги Ўзбекистон Республикаси Президентининг Қарори эълон қилинди. Шу куни университетда бажариляётган “Эрасмус+” дастурининг RENES – “Муқобил энергия манбалари ва турғун атроф-муҳит ихтисослиги бўйича магистерлик ўқув дастурини яратиш” лойиҳасининг навбатдаги халқаро йиғилишида иштирок этиш мақсадида профессор Райимжон Алиев бошчилигидаги делегация аъзолари шу йилнинг 29 май куни Тошкентдан Истамбул орқали Софияга учиб кетишди. Мазкур лойиҳа мавзусининг долзарблигини юртбошимиз томонидан имзоланган янги қарор мазмунига ҳамохангилиги-ю, кўтарилган масаланинг нафақат Ўзбекистон ва балки бутун инсоният учун катта аҳамиятга моликлигидан англаймиз.

Мазкур йиғилиш 30-31 май кунлари Болгариянинг пойтахти – Софияда кимё технология ва металлургия университетида ўтказилди. Берлин технология университети (Германия), Қироллик техника университети (Швеция), Лаквила университети (Италия) ва Ўзбекистондан ташриф буюрган долзарб соҳанинг 20 нафар профессорлари ва мутахассислари лойиҳа бошлангандан буён эришилган натижаларни фаол муҳокама этдилар. Келгуси давр режаларини ҳамкорликда туздилар.

Софиядаги профессорлар учрашувининг ўзига хослиги шундан иборат бўлдики, унда “Муқобил энергия манбалари ва турғун атроф-муҳит” мутахассислиги бўйича Ўзбекистонлик мутахасислар ва ҳусусан профессор Р.Алиев таклиф этган Фотовольтаикага асосий урғу берилган магистерлик ўқув дастури кенг муҳокама этилди. Таклиф этилган дастур Андижон ва Урганч Давлат университетларига бевосита ҳамда Қуёш энергиясининг иссиқлик таъсиридан фойдаланишга йўналтирилган дастурни Қарши ва Гулистон Давлат университетларига жорий этишга келишиб олинди. Мухандислик йўналишидаги муқобил энергия манбаларига доир ўқув дастури Тошкент автомобил йўллари ва Тошкентдаги Турин политехника институтига жорий этилиши режалаштирилди.

Ўзбекистондаги мазкур 6 та ўқув юртларида “Муқобил энергия манбалари ва турғун атроф-муҳит” мутахассислигига доир ўқув-илмий лаборатория ташкил этиш мақсадида зарурий асбоб-ускуналар рўйхатини тузишга доир масала ҳам кун тартибига янада долзарблик киритди. Андижон Давлат университети лабораторияси учун тузилган асбоб-ускуналар рўйхати асосий муҳокама объектига айланди. Жиҳозларни тендер асосида харид қилиш ва Ўзбекистонга келтириш масаласи алоҳида муҳокама этилди.

Болгарияга ташриф доирасида София кимё-технология ва металлургия университети профессорлари билан ўтказилган суҳбат самарали бўлди. Университетларимиз ўртасида ўқув-илмий ҳамкорликни йўлга қўйиш мақсадида дастлабки келишувга эришилди.

Магистрлар ва ёш фан докторларини тайёрлаш борасида Европанинг ҳамкор университетлари профессорлари билан ўтказилган мулоқотлар янада қизиқарли бўлди. Бу соҳада Берлин техника университети (Германия) профессори Франк Бехрендт, Лаквила университети (Италия) профессори Мичеле Анатоне, СКТМУ (Болгария) профессори Росица Бетчева ва Қироллик технология университети (Швеция) профессори Алеваро Гуарин Андижон Давлат университети билан ҳамкорлик қилишга тайёрликларини билдирдилар.

Ушбу фикрларни баён қилар эканман, Ўзбекистоннинг Европадаги ривожланган давлатлар орасида эгаллаган муносиб ўрни борлигидан фахрландим. Ватанимиз университетларини халқаро миқёсда ривожлантириш борасидаги хукуматимиз томонидан олиб борилаётган изчил сиёсатни ва Европа университетларининг Ўзбекистон университетлари билан ҳамкорликка тайёр эканликларини эътиборга олиб шундай хулоса қилиш мумкин. Шубҳасиз, эртанги кунимиз порлоқ! Яратилган ички ва ташқи имкониятлардан фақатгина мустаҳкам билимли, иқтидорли, юксак маданиятли ва эътиқодли, келажак учун тинмай интиладиган ёшларимиз фойдалана оладилар. Шундай экан, университетда ўтаётган ҳар бир кунингизни беҳуда сарфламанг. Ўқинг, уқинг, билим олинг, интилинг, ижод қилинг, юксакликка интилишдан хеч чарчаманг!

Янгиликлар | Сана: 04.12.2016


КЎҲНА OВРЎПА НАФАСИ ЎЗБЕКИСТОНДА

Шу йилнинг 22-23 ноябрь кунлари Хоразм вилоятининг энг нуфузли олийгоҳи ҳисобланувчи Урганч давлат университетида ERASMUS+ дастурининг молиявий кўмаги ососида бажарилаётган «Development of Master Programme in Renewable Energy Sources and Sustainable Environment - RENES» мавзусидаги халқаро лойиҳанинг дастлабки учрашув семинари (Start Up Meeting) бўлиб ўтди.

Ушбу лойиҳада Италиянинг L’AQUILA университети (University of L’AQUILA – UNIVAQ), Германиянинг Берлин техника университети (Technische Universität Berlin – TUB), Швециянинг Кунгила техника олийгоҳи (Kungliga Tekniska Hoegskolan – KTH), Белгиянинг Кимё технологиялари ва металлургия университети (Chimiko Technologichen i Metalurgichen Universitete – UCTM) каби Европанинг нуфузли олийгоҳлари билан ҳамкорликда Ўзбекистоннинг Андижон давлат университети (АДУ), Гулистон давлат университети (ГулДУ), Урганч давлат университети (УрДУ), Қарши давлат университети (ҚарДУ),Тошкент шаҳридаги Турин политехника университети (ТТПУ) ва Тошкент автомобиль йўлларини лойиҳалаштириш, қуриш ва экплутация қилиш институт (ТАЙЛҚЭИ)(собиқ Тошкент автомобиль йуллари инсититути-ТАЙИ) лари иш олиб боришмоқда.

Урганч давлат университетида бўлиб ўтган учрашувда юқорида номлари келтирилган ҳамкор олийгоҳларнинг масъул вакиллари иштирок этди. Такидлаш жоизки, европанинг нуфузли олийгоҳларидан prof. Anna Tozzi, Dr. Federica Tomassoni, Dr. Gisella Mei, Dr. Orlando Aliucci, Dr. Marco Calabrese, Dr. Dimitar Borisov каби етук олимлар семинарда ўз маърузалари билан иштирок этишди. Яна бир эътиборли томони ушбу учрашувда расмий эксперт мехмон сифатида АҚШнинг Колифония университети профессори Зоир Абдуллаев ташриф буюрди. Ушбу ҳамкорлик учрашувида Андижон давлат университети номидан университетнинг катта илмий ходим-изланувчиси Алиев Сухроб иштирок этди. С.Алиев ўз тақдимотида барча ҳамкор ташкилот вакилларини Андижон давлат университетининг тарихи, бугунги куни ва илмий салоҳияти билан таништириб ўтди.

Энди қисқача, лойиҳа ва унинг мақсади ҳақида гапириб ўтсак. Юқорида номи келтирилган халқаро лойиҳа Европа иттифоқининг ERASMUS+ дастури томонидан молиялаштирилган (Co-funded by the Erasmus+ programme of the European Union) бўлиб, лойиҳанинг умумий суммаси 850,975.00 еврони ташкил этади. Лойиҳа 15.10.2016-15.10.2019 муддатда бажарилиши кўзда тутилган. Лойиҳа доирасида номлари келтирилган Европа олийгоҳлари билан ҳамкорликда ва уларнинг тажрибасидан фойдаланган ҳолда, Ўзбекистондаги ҳамкор олийгоҳларда қайта тикланувчи энергия манбааларидан фойдаланиш (асосан: Қуёш энергетикаси) йўналишида магистратура ташкил этиш ва етук мутахассислар тайёрлаш асосий мақсад қилиб олинган. Табиийки ушбу йўналиш бўйича магистрлар тайёрлашни йўлга қўйиш учун ҳар бир олийгоҳ ушбу йўналишга мос лаборатория жиҳозлари билан таминланган бўлиши керак. Лаборатория жиҳозлари билан таминлаш, лойиҳанинг яъни ERASMUS+ дастури маблағлари ҳисобидан амалга оширилади. Лойиҳани тўла бажариш мақсадида учрашув давомида, лойиҳанинг европадаги координатори профессор Anna Tozzi барча қонуний ҳужжатлар ва тартиб қидалар билан таништириб ўтди. Ўзбекистондаги асосий координатор профессор Аҳмед Юсупов лойиҳанинг биринчи йилида бажарилиши керак бўлган вазифаларни барчага таништирди ва ҳар бир ҳамкор олийгоҳга маълум вазифалар белгилаб берилди.

Учрашувнинг иккинчи кунида Dr. Orlando Aliucci ва Dr. Marco Calabrese томонидан лойиҳанинг молиявий масалалари бўйича барча маълумотлар етказилди. Шундан сўнг барча иштирокчилар ўз олийгоҳлари ҳақида тақдимот ўтказишди. Учрашув давомида келгусида бажарилиши керак бўлган вазифалар юзасидан томонлар келишиб олишди. Шу билан семинар ўз ишини якунлади.

Ўйлайманки, лойиҳа доирасида амалга оширилувчи вазифалар Ўзбекистонда яна бир янги магистратура йўналиши очилишига сабаб бўлади ва бу Респуьликамиз таълим соҳасини янада ривожланишига сабаб бўлади. Шу билан бир қаторда, олийгоҳларимизнинг моддий техник базасини янада бойитади ва Республикамизга янги йўналишдаги малакали кадрлар тайёрлашга ҳизмат қилади.

Республикамиздаги ҳамкорларимиз

Хорижий ҳамкорларимиз

Манзилимиз
170000, Ўзбекистон Республикаси, Андижон шаҳри
Университет кўчаси 129-уй
электрон почта: alievuz@yahoo.com
телефон/факс: 0 (374) 223 88 30
Ишонч телефони: 0 (374) 223 88 14
Транспорт: 75-йўналишли автобус ва такси

Биз ижтимоий тармоқларда

© Андижон давлат университети, 2004-2020. Барча хуқуқлар ҳимояланган.